Forsíða Fréttir Leikir Bækurnar Persónur Vísnagerð Uppskriftir Áskrift og frí bók Netverslun Um okkur Hamur fyrir sjónskerta
Þú ert hér > Grallarar.is > Um okkur

Um okkur

  Selma Hrönn Maríudóttir og grallarar

Selma Hrönn Maríudóttir er höfundur Grallarasagna. Hún semur texta og vísur í bækurnar um Glingló, Dabba og Rex og sér um hönnun og uppsetningu á vefnum. Selma er dóttir Gylfa Ægissonar frá Siglufirði og Kristínar Maríu Jónsdóttur frá Akureyri. Hún býr nú í Sandgerði en ólst að mestu upp á Siglufirði og í Vestmannaeyjum.

Selma er rafeindavirki að mennt og hefur einnig stundað nám í kerfisfræði og forritun. Hún starfar sem vefhönnuður í fjölskyldufyrirtækinu Tónaflóði sem hún á og rekur ásamt manni sínum Smára V. Sæbjörnssyni. Auk þess að semja barnaefni í frístundum hefur Selma fengist við lagasmíðar og textagerð. Selma er meðlimur í Rithöfundasambandi Íslands og STEFi, Sambandi tónskálda og eigenda flutningsréttar.


Grallararnir Glingló, Dabbi og Rex
Kisurnar Glingló og Dabbi sem nú eru 14 ára gamlar hafa búið hjá Selmu og fjölskyldu síðan þær voru kettlingar og verið uppspretta ótal hugmynda og uppátækja í gegnum árin. Fyrir sex árum eignaðist fjölskyldan hundinn Rex sem féll vel í hópinn og er nú orðinn sögupersóna ásamt grallarakisunum.
 


Brynhildur Jenný Bjarnadóttir Teiknari

Brynhildur Jenný Bjarnadóttir er teiknari (Illustrator/Animator) að mennt. Hún teiknar allar myndir af gröllurunum hvort sem er fyrir bækurnar, vefinn eða aðra framleiðslu.

Eftir stúdentspróf úr MR fór hún í listnám í Lorenzo de' Medici listaháskólanum í Flórens á Ítalíu og síðan í BA nám í teiknimyndagerð (animation) við University of Wales. Hún lauk þaðan námi vorið 2005 og fór þá í Mastersnám í teiknimyndagerð í University of the West of England í Bristol. Hún lauk Mastersnáminu í janúar 2007. Lokaverkefni hennar var stuttmynd um umhverfismál á Íslandi með tilvísun í Kárahnjúkavirkjun og Lagarfljót.


Smári Valtýr Sæbjörnsson
Matreiðslumaður

Smári Valtýr Sæbjörnsson matreiðslumaður er pabbi grallaranna og hann sér um uppskriftahlutann. Smári er sonur Sæbjörns Jónssonar heitins trompetleikara frá Stykkishólmi og Valgerðar Valtýsdóttur frá Stykkishólmi. Smári starfaði sem matreiðslumaður í tvo áratugi. Hann vann síðast sem matreiðslumaður hjá Nordica Hotel en starfar nú í fjölskyldufyrirtækinu Tónaflóði.




Til baka